جدیدترین محصولات این برند

محبوب ترین محصولات این برند

کیرپی

کیرپی

ﺳﻪشنبه ۰۵ تیر ۱۳۹۷

|آذربایجان تورکجه سینده|

۱۳۹۴ اینجی ایلده «بَـیَــل کولتور درنه یی»نده اوشاقلار اوچون کیتاب و اویونجاقلار یارادییب، یایماق اوچون، «کیرپی» آدینا قونو یاراندی. کیرپی نین ایشلری اساس ایکی یئره بولونور. بیرینجی؛ کیرپی آدینا اوشاقلار اوچون کیتاب و اویونجاقلار یایماق. ایکینجی سی؛ کیرپی سیته سی(سایتی)، آتا ـ آنالار اوچون دیرلی و کیفتلی کیتاب، اویونجاقلار، ایلنمه لر(تفریحات) و … تانیتدیریب و اینترنتی آلیش ـ وئریش یولا سالماق. آمما بیرینجی ساحه ¬ده بورا کیمین ۱۴ کیتاب آذربایجان تورکجه سی و فارس دیلینده نشـر اولونوب، بونلاردان باشقا آیری ـ آیری کیتابلاردا حاضیرلانیب کی باسقی ایجازه نامه لری آلماق اوچون ایرشاد ایداره¬ سینه گوندیرلیب.

مین بیر گئجه

بو قونولاردان باشقا کیرپی ده آیری ـ آیری بولوملرده یولاسالینیب، او جمله¬ دن «مین بیر گئجه»(اوشاقلار اوچون ناغیل اوخوماق کمپئینی) کی ۱۳۹۵ اینجی ایل اوروجلوق بایرامیندان ایشه باشلاییب و اوشاقلار اوچون سسلی ناغیل کیرپی سیته سی و کیرپی تلگرام کانالیندا یاییلیر.

چیراق

کیرپی نین آیری و دیرلی بولوملردن گرک «چیراق»(کیرپی بلاگ) بولومینه ایشاره ائداق کی تئزلیکنن یولا توشه جاق ـ هللیک، کیرپی سایتین ایچینده ـ چیراق، اوشاقلار ادبیاتی اوچون بیر اینسکوپدیا(دایره المعارف) کیمین ایشه باشلییه جاق و اوردا، آزربایجان و دونیا اوشاقلاری اوچون یازارلار و اینجه صنعت خادیم لری ایله اوشاق ادبیاتی باره ده یازی لاری، نظریه لری، دانیشیقلار ایله تنقیدلری نشر اولوناجاق.

نه¬ یه اوشاق ادبیاتی!

بو گونکو دورومدا ادبیات و اینجه صنعت چوخ دیرلی ایشلر گورولسه ده اوشاقلار اوچون کولتورال(فرهنگی) ایشده بیر بویوک بوشلوق واردی، کیتاب لارین کیفی محتواسی، باسقی سی، پایلانیشی کیفایت قئدر دیرلی دئیر. کیرپی بو بوشلوغو گوروب اونو آرادان گوتورماق اوچون چالیشیر. کیتابلارین ادبی و بدیعی محتواسی، کیتابلارین سسله ندیرلمه سی، ناغیلارین توپلانیش، رساملییق و باسقی سی، کیتابلارین باسقی سیندا اوشاقلار اوچون اولان ایستانداردلارا ایغون لاشدیرما، کیتابلارین گئنیش یایلماسی، یابانجی(خارجی) کیتاب فستیوالاریندا ایشتراک ائدیب تجربه قازانماق، دونیا یایین ائولرینن امک داشلیق و … کیرپی نین آماج توتدیغی ساحه لردندی. اوخوجولار و آیدینلاریمیز آراسیندا کیرپی دستک قازانیب، آلقیشلیانلار چوخ اولسادا، بیز هله اؤز ایشیمیزی قورتارمیش حساب ائله میروق و چوخلو آیری ایده لر ایله آماجلاریمیز وار کی اونلارنان بویوک آرامیز وار.

ایران بوتون اوشاقلاری اوچون

کیرپی نین اساس سؤزلریندن بیری «ایران بوتون اوشاقلاری اوچون» دی، بو بیر سؤز اولسادا کیرپی ده ایشلیین اینسانلار اوچون بویوک بیر آماج دیر. کیرپی چالیشیر آزربایجان خالق ناغیللاری یانیندا، دونیا ایله ایراندا یاشان خالقلارین ناغیللاریندان پای گوتوروب، آزربایجان زنگین اوشاق ادبیاتین اونلارا تانیتدیریب، آزربایجان تورکجه سیندن باشقا، آیری دیلرده اوشاقلار اوچون کیتاب ایله ناغیللار یایسین.

سون سؤز

کیرپی چالشیر کی اوشاقلار و اونلارین آتا ـ آنالاری اوچون داییم جوشان بیر قایناق اولوب، اوشاقلارین کیتاب، کولتور و اینجه صنعت دونیاسینا یاخین ایله داواملی ایلگی لر قوروب، اوشاقلارین معنوی بویومه سینده ایمکان یاراتسین.

درباره برند «کیرپی» و گروه فرهنگی بَـیــَل»

|فارسی|

سایت «www.kirpi.ir» جهت تولید و ارائه محصولات فرهنگی و هنری برند «کیرپی» همچون کتاب¬های کودکان، اسباب¬ بازی، بازی¬های فکری و … از طرف «گروه فرهنگی بَـیَــل» در فروردین سال ۱۳۹۵ راه اندازی شد. این سایت علاوه بر معرفی و فروش اینترنتی محصولات «کیرپی»، در نظر دارد با معرفی مجموعه ای از خدمات و محصولات استاندارد فرهنگی، هنری، تفریحی، ورزشی، پوشاک و … برای کودکان و نوجوانان به یاری خانواده ها پرداخته و آنها را از سـردرگمی در بازار نجات داده و در انتخاب محصولات استاندارد یاری رساند. برای دریافت کاتالوگ/شماره یک «کیرپی» اینجا را کلیک کنید.

*